శివాజీని చితకబాదిన హౌస్‌మేట్స్.. బిగ్‌బాస్ చరిత్రలో ఇదే మొదటిసారి?

దిశ, వెబ్‌డెస్క్: ప్రస్తుతం జనాలందరూ తెలుగు బిగ్‌బాస్ సీజన్-7 విన్నర్ ఎవరవుతారని ఆత్రుతగా ఎదురుచూస్తున్నారు. సోషల్ మీడియాలో పక్కా శివాజీ అయినా, ప్రశాంత్ అయినా గెలుస్తారని ఫ్యాన్స్ అంచనా వేస్తున్నారు. మరికొందరు శివాజీ విన్నర్, ప్రశాంత్ రన్నరని అంటున్నారు. ఇదంతా పక్కన పెడితే.. గురువారం రోజు జరిగిన కొన్ని ఫన్నీ టాస్కులను ప్రస్తుతం టీవీలో టెలికాస్ట్ చేస్తున్నారు. మొన్న గ్రహాంతర వాసులతో కాసేపు సరదాగా హౌస్ మేట్స్ గడిపిన విషయం తెలిసిందే. నిన్న అమర్‌దీప్ జ్యోతిష్యుడిగా కనిపించి కాసేపు ప్రేక్షకులను ఎంటర్టైన్మెంట్ చేశాడు. ఈ సందర్భంగా కంటెస్టెంట్లు ఓ ఫన్నీ టాస్క్ అడుతారు.

కంటెస్టెంట్ కళ్ళకు గంతలు కట్టుకున్న తర్వాత హౌస్ మేట్స్ అందరూ కళ్ళ గంటలు కట్టుకున్న కంటెస్టెంట్‌ను కొట్టాలి. ఎవరెవరు ఎక్కడ కొట్టారు అనేది కళ్లకు గంతలు కట్టుకున్న కంటెస్టెంట్ చెప్పాలి. ఈ టాస్కులో శివాజీ తో పాటుగా, అందరూ కొట్టించుకున్నారు. చాలా సరదాగా ఈ టాస్కును చూసిన ఆడియన్స్ అందరూ కడుపుబ్బా నవ్వారు. కానీ శివాజీ ఫ్యాన్స్ ఈ విషయంలో కాస్త బాధగా కామెంట్స్ చేయడం విశేషం. ఇప్పటికే శివాజీకి హెల్త్ బాగోలేదు. బిగ్‌బాస్ ఇలాంటి టాస్క్‌లు పెట్టడం అవసరమా? ఏ సీజన్‌లోనైనా కొట్టుకునే ఫిజికల్ టాస్క్‌లు ఇవ్వకూడదనే రూల్ కూడా పెట్టింది. అయినా ఇలా చేశారేంటి? అంటూ ఫ్యాన్స్ హర్ట్ అవుతున్నారు.