Bigg Boss 7 Telugu: ఆడని వాళ్లకి పొగడ్తలు.. ఆడే వాళ్లకి పనికి రావంటూ పంచ్ లు.. ఉల్టా.. పల్టా ఇదేనేమో..? నాగ్ హోస్టింగ్ కి దండం పెడుతున్న నెటిజెన్స్?
దిశ,వెబ్ డెస్క్: హౌస్ మేట్స్ లోపాలను చెప్పడానికి నాగార్జున మొదటి వారం రంగంలోకి దిగారు. బిగ్ బాస్ ఇంట్లో ఉన్న వారిలో రతికను నాగ్ బాగా పొగిడేసాడు. యూజ్‌లెస్ ఫెలో.. అంటూ శుభ శ్రీ పరువు మొత్తం తీసేసాడు. ఉడత ఉడత ఊచ్ టాస్క్‌లో రెండున్నర గంటలు ఆ పాట వినిపిస్తే.. ఆ పాటలో ఉడత అనే పదం ఎన్నిసార్లు వచ్చిందని బిగ్ బాస్ ప్రశ్న వేస్తే.. రతిక వెంటనే 1056 అని ఆన్సర్ చెప్పింది. ఈ టాస్క్ గురించి నాగ్ మాట్లాడుతూ ఈమె ఐపీఎస్ పరీక్ష రాస్తే గ్యారంటీ పాస్ అయిపోతుందని ఆకాశానికి ఎత్తేసారు. ఆమెతో ఆట జాగ్రత్తగా ఆడాలంటూ హౌస్ మేట్స్‌ని హెచ్చరించారు నాగ్.
గౌతమ్ తనకి తాను 100 మార్కులు వేసుకోవడంతో.. వంద మార్కులు వేసుకోవడానికి నీకు అర్హత ఉందా? తీసేసాడు. నీ ఆటకి వాళ్లు ఇచ్చిన మార్కులే చాలా ఎక్కువ అంటూ గాలి తీసేశారు నాగార్జున. అమర్ దీప్ తనకి తాను 97 మార్కులేసుకుంటే.. ఆడియన్స్ 61 మార్కులేశారు. అయితే నాగార్జున.. అమరదీప్ నువ్వు బాగా ఆడటం లేదని అనేసారు. ఈ షో చూసిన ప్రేక్షకులు ఏమంటున్నారంటే.. అసలు నాగార్జున షో చూస్తున్నారా? లేదా? ఆడని వాళ్లకి సపోర్ట్ చేస్తున్నారు.. ఆడే వాళ్లని క్లాస్ మీద క్లాస్ పీకుతున్నారు.. ఉల్టా.. పల్టా ఇదేనామో.. ? మీ హోస్టింగ్ కి ఎన్ని దండాలు పెట్టిన తప్పు లేదంటూ కామెంట్స్ చేస్తున్నారు.
