సందీప్ నువ్వు పెద్ద పిస్తా అనుకుంటున్నావా? ఇంటి సభ్యులందరికీ గట్టి క్లాస్ ఇచ్చిన నాగార్జున..
దిశ, సినిమా: ‘బిగ్ బాస్‘ తెలుగు సీజన్ 7 ఆసక్తికరంగా సాగుతుంది. కంటెస్టెంట్లు.. హౌస్ మేట్ అయ్యేందుకు నానా తిప్పలు పడుతున్నారు. బిగ్ బాస్ ఎలాంటి టాస్క్ ఇచ్చినా చేస్తున్నారు. ఈ క్రమంలోనే థర్డ్ కంటెండర్‌గా నాగార్జున ఎవరి పేరును ప్రకటిస్తారనే విషయంపై ఇంట్రెస్టింగ్‌గా ఎదురుచూస్తున్నారు జనాలు. ఈ క్రమంలో విడుదలైన లేటెస్ట్ ప్రోమోలో నాగ్ ప్రతి ఒక్కరి మిస్టేక్స్ చెప్పి క్లాస్ పీకారు. ముఖ్యంగా సంచాలక్‌గా వ్యవహరించిన డ్యాన్సర్ సందీప్‌తో ఫుల్‌గా ఆడుకున్నాడు.
‘సందీప్ నీకు అసలు గేమ్ అర్థమైందా. సంచాలక్ అంటే అంపైర్. ఆట మధ్యలో ఇంటర్‌ఫియిర్ అవ్వకూడదు. మరి నువ్వెందుకు పాయింట్స్ ఇస్తున్నావ్. గేమ్‌ను పర్సనల్‌గా తీసుకుంటున్నావు ఎందుకు? నువ్వేమైనా పిస్తా అనుకుంటున్నావా?’ అని ఫుల్ ఫైర్ అయ్యాడు. ఇక అమర్‌దీప్‌‌ను కూడా గట్టిగా వేసుకున్నాడు. ‘నువ్వు నీకోసం ఆడుతున్నావా లేక ప్రియాంక కోసం ఆడుతున్నావా?’ అన్ని సూటిగా ప్రశ్నించిన నాగార్జున.. ‘కార్తీక దీపం’ మోనితను కూడా వదల్లేదు.
