Bigg Boss 7 Telugu: బిగ్‌బాస్‌లోకి అర్జున్ అంబటి వైల్డ్ కార్డు ఎంట్రీ..!
దిశ,వెబ్ డెస్క్: బిగ్‌బాస్‌ సీజన్ 7 కొత్త మార్పులను తీసుకొచ్చి రేటింగ్స్ లో దూసుకెళ్తుంది. తాజాగా తొలి వైల్డ్ కార్డ్ కంటెస్టెంట్‌గా అర్జున్ అంబటి గ్రాండ్ ఎంట్రీ ఇచ్చాడు. ఎప్పటి నుంచో మనోడు బిగ్ బాస్ హౌస్లోకి వస్తున్నట్లు హింట్స్ ఇస్తూనే ఉన్నాడు. మనమందరం ఊహించినట్లుగానే అంబటి అర్జున్ హౌస్లోకి ఎంటర్ అయ్యాడు. రావడం రావడంతోనే దుమ్ము దులిపే డ్యాన్స్ పెర్ఫామెన్స్ కూడా ఇచ్చాడు. అయితే ఇప్పటికే ఐదు వారాలను బాగా గమనించి రావడంతో అర్జున్‌ను, నాగ్ కొన్ని ప్రశ్నలు వేశారు. దీనికి అర్జున్ చెప్పిన ఆన్సర్స్ చూసి మైండ్ బ్లాక్ అయింది.
ప్రస్తుతం అర్జున్ ఎలాంటి ప్రాజెక్టులు చేయలేనట్లు తెలుస్తోంది. అందుకే మళ్లీ మంచి కంబ్యాక్‌ ఇవ్వడానికి బిగ్‌బాస్‌ షోను ఎంచుకున్నట్లు తెలుస్తోంది. యావర్‌, ప్రశాంత్‌ దమ్మున్న గేమ్‌ ఆడుతున్నారని, అమర్‌దీప్‌, సందీప్‌ అయితే దుమ్ము లేపేస్తున్నారంటూ చెప్పుకొచ్చాడు. మరి అర్జున్ వాళ్లకి గట్టి పోటీ ఇస్తాడో? లేదో ? చూడాలి మరి!
