‘బండి సంజయ్ ఓ ఐటమ్ సాంగ్’

దిశ ప్రతినిధి, వరంగల్: తప్పుడు హామీలతో బీజేపీ నేతలు ప్రజలను తప్పుదోవ పట్టిస్తున్నారని మంత్రి దయాకరరావు మండిపడ్డారు. శుక్రవారం హన్మకొండలోని హరిత కాకతీయ హోటల్లో ఏర్పాటు చేసిన విలేకర్ల సమావేశంలో మంత్రి మాట్లాడుతూ.. బీజేపీ రాష్ట్ర అధ్యక్షుడు బండి సంజయ్ ఓ ఐటమ్ సాంగ్ లాంటి వాడని, అతని మాటలు బాగున్నట్లు అనిపిస్తుంది.. పని మాత్రం చేయరన్నారు. అలానే తెలంగాణ ప్రభుత్వానికి కేంద్రం అస్సలు సహకారం అందించండం లేదని మండిపడ్డారు. రాష్ట్ర విభజన చట్టంలో ని అనేక హామీలను కేంద్రం తుంగలో తొక్కిందని అన్నారు. ఈ కార్యక్రమంలో ఎమ్మెల్సీ అభ్యర్థి పల్లా రాజేశ్వరెడ్డి, ఎమ్మెల్యేలు వినయ్ భాస్కర్, నరేందర్, రాజయ్య, ఎమ్మెల్సీలు సారయ్య, ఎంపీలు, బండ ప్రకాష్, దయాకర్ పాల్గొన్నారు.