పురుషులే కోరుకుంటారు మహిళలు అలా ఉండాలని .. బాడీ షేమింగ్‌‌పై నటి
దిశ, సినిమా: బాలీవుడ్‌లో నటి అతియా శెట్టి గతంలో బాడీ షేమింగ్‌కు గురైన విషయం తెలిసిందే. అయితే ఇలీవల ఓ ఇంటర్వ్యూలో తన శరీరంపై వచ్చిన నెగెటివ్ కామెంట్స్‌ను అంగీకరిస్తున్నానని, కానీ మునుపటితో పోలిస్తే ప్రస్తుతం మెరుగైన స్థితిలో ఉన్నానని తెలిపింది. అలాగే చిన్ననాటి నుంచి ఈ సమస్యను ఎదుర్కొన్నానని చెప్పిన నటి.. ‘నా చిన్నతనంలోనే బాడీ షేమింగ్ కేటగిరీలోకి పడిపోయాను. బాడీ షేమింగ్ అనేది అధిక బరువుతో మాత్రమే కాకుండా సన్నగా ఉండడంతో కూడా ముడిపడి ఉంటుందని ప్రజలు గ్రహించాలి. ఇతరుల బరువు, అందంతో బాడీ పార్ట్‌లతో పోల్చుతూ ఇబ్బందిపెట్టే అనుచితమైన వ్యాఖ్యలు ఎవరూ చేయకూడదు. సమాజంలో అందరూ ఒకే విధంగా కనిపించాలని కోరుకోవడం సరైనది కాదు. ప్రతి ఒక్కరికి ఏదో ఒక లోపం ఉంటుంది. ఎవరూ పరిపూర్ణం కాదు’ అని చెప్పింది. అంతేకాదు ఈ సమాజంలో పురుషులే స్త్రీల శరీర భాగాలపై వివిధ రకాలుగా మాట్లాడుతారని, కానీ మహిళలు మాత్రం పురుషులందరూ కండలు తిరిగి ఉండాలని కోరుకోరని చెప్పింది.
