అయిననూ.. కొత్త సినిమా చేయవలె తారక్?

యంగ్ టైగర్ ఎన్టీఆర్ ఎస్ఎస్ రాజమౌళి దర్శకత్వంలో ఆర్ఆర్ఆర్ మూవీ చేస్తున్న విషయం తెలిసిందే. ఈ సినిమా వచ్చే ఏడాది సంక్రాంతికి రిలీజ్ కానుంది. అంటే అప్పటి వరకు జక్కన్నకు తన సమయాన్ని మొత్తం రాసిచ్చేయాలా? కొత్తగా సినిమాలను ఒప్పుకోకూడదా? అల్రెడీ సైన్ చేసిన సినిమాల సంగతి ఏంటి? బాహుబలి సినిమా సమయంలో ప్రభాస్ దాదాపు మూడేళ్లు జక్కన్న చేతిలోనే ఉన్నాడు. వేరే సినిమాలు చేసే ఛాన్స్ తీసుకోలేదు. అలాగే జరుగుతుందా? అంటే కాదు అనే వస్తుంది సమాధానం. ఆర్ఆర్ఆర్ సినిమా షూటింగ్ షెడ్యూల్ మే వరకు క్లోజ్ చేసి మరో మూవీ చేస్తాడట తారక్.

అల వైకుంఠపురంలో.. మూవీతో బ్లాక్ బస్టర్ హిట్ అందుకున్న డైరెక్టర్ త్రివిక్రమ్‌తో ‘అయిననూ.. పోయిరావలె హస్తినకు’ సినిమా చేయబోతున్నాడట తారక్. ఆర్ఆర్ఆర్ మూవీ షూటింగ్ పూర్తి కాగానే ఈ సినిమా షూటింగ్ షురూ చేస్తాడట. ఇదిలా ఉంటే కొత్తగా మరిన్ని కథలు వింటున్నాడు ఎన్టీఆర్. తమిళ్ సినిమా ‘అసురన్’ డైరెక్టర్ వెట్రిమారన్ ఈ మధ్యే తారక్‌ను కలిసి స్టోరీ చెప్పారట. నేషనల్ అవార్డు గెలుచుకున్న డైరెక్టర్ వెట్రిమారన్ చెప్పిన కథకు ఇంప్రెస్ అయిన తారక్ పూర్తి స్క్రిప్ట్‌తో రావాలని సూచించాడట. ఇది గనుక ఫైనల్ అయితే ఎన్టీఆర్ 31వ సినిమా వెట్రిమారన్ దర్శకత్వంలో రానుంది. ప్రస్తుతం హీరో సూర్యతో ‘వాడి వాసల్’ సినిమా చేస్తున్నారు వెట్రిమారన్.