చంచల్ గూడ జైలుపై ట్విట్టర్‌లో ఓవైసీ ఆసక్తికర వ్యాఖ్యలు
దిశ, తెలంగాణ బ్యూరో : వరంగల్ సెంట్రల్ జైలును తరలించినట్లే చంచల్ గూడ జైలును కూడా మరోచోటుకి తరలించాలని ఎంఐఎం అధినేత, ఎంపీ అసదుద్దీన్ ఓవైసీ శనివారం ట్విట్టర్‌లో పేర్కొన్నారు. వరంగల్ జైలును తరలించి ఆ స్థానంలో సూపర్ స్పెషాలిటీ ఆస్పత్రిని నిర్మించేందుకు పూనుకున్న తెలంగాణ ప్రభుత్వాన్ని ఆయన అభినందించారు.
Must appreciate @TelanganaCMO’s decision to shift Warangal Central Jail & to use its land to set up a Super Speciality Hospital. Request KCR sb to also consider shifting Chanchalguda Jail & using its 45-acre land for an educational or employment-generation purpose 1/2
— Asaduddin Owaisi (@asadowaisi) June 12, 2021
చంచల్ గూడ జైలును కూడా అలాగే మరోచోటుకు తరలించి జైలుకు చెందిన 45 ఎకరాల భూమిలో ఎడ్యుకేషనల్ ఇనిస్టిట్యూట్లు లేదా హార్డ్‌వేర్ పార్క్ వంటివి ఏర్పాటు చేసి ప్రజలకు ఉపయోగపడేలా, నిరుద్యోగులకు ఉపాధి కల్పించేలా చూడాలని ఆయన విజ్ఞప్తి చేశారు.
