ఏపీ గవర్నర్ ప్రజెంట్ కండీషన్ ఇదే: రాజ్ భవన్

దిశ, ఏపీ బ్యూరో: అనారోగ్యంతో హైదరాబాద్ లోని ఏఐజీ హాస్పిటల్ లో చికిత్స తీసుకుంటున్న ఏపీ గవర్నర్ బిశ్వభూషణ్ హరిచందన్ కోలుకుంటున్నట్టు హాస్పిటల్ వర్గాలు తెలిపాయి. ఆ మేరకు రాజ్ భవన్ ఓ ప్రకటన వెలువరించింది. ఆయన ఆక్సిజన్ లెవెల్స్ సాధారణ స్థాయిలోనే ఉన్నాయని.. నిన్నటితో పోలిస్తే కోవిడ్ లక్షణాలు కూడా తగ్గాయని హాస్పిటల్ వర్గాలు తెలిపాయి. వివిధ విభాగాలకు చెందిన వైద్య బృందం అనుక్షణం గవర్నర్ ఆరోగ్య పరిస్థితిని పర్యవేక్షిస్తున్నట్టు ఏఐజీ హాస్పిటల్ పేర్కొన్నది.