ప్రభాస్ ‘సలార్’ నుండి మరో అప్డేట్.. అభిమానులకు పండుగే..
దిశ, వెబ్‌డెస్క్: యంగ్ రెబల్ స్టార్ ప్రభాస్ హీరోగా కేజీఎఫ్ డైరెక్టర ప్రశాంత్ నీల్ దర్శకత్వంలో తెరకెక్కుతున్న పాన్ ఇండియా సినిమా సలార్. ఈ సినిమాలో కథనాయికగా లవ్లీ బ్యూటీ శృతి హాసన్ నటిస్తుంది. ఈ చిత్రం షూటింగ్ ఇప్పటికే చాలా వరకు పూర్తయింది. బహుబలి తరువాత వచ్చిన సాహో అభిమానులకు ఆశించిన ఫలితాన్ని అయితే ఇవ్వలేకపోయింది. త్వరలోనే ప్రభాస్- పూజాహెగ్దే జంటగా నటించిన ‘రాధేశ్యామ్’ విడుదలకు సిద్దమవుతోంది.
ఈ సినిమా తరువాత సలార్ వచ్చే సంవత్సరం సమ్మర్‌లో అభిమానులను చిల్ చేయడానికి వచ్చేస్తుంది. ఇప్పటికే ఈ చిత్రానికి సంబంధించిన ఫస్ట్‌లుక్ విడుదల చేశారు. ఫస్ట్‌లుక్ తో ఈ సినిమాపై అంచనాలు భారీగానే పెరిగాయి. ఇప్పుడు ఈ సినిమా నుంచి మరో ఆప్డేట్ విడుదల చేయనున్నట్లు చిత్రయూనిట్ అధికారికంగా ప్రకటించింది. ఈ సినిమాలో రాజమనార్ పాత్రను పరిచయం చేయనున్నట్లు తెలుస్తోంది. రేపు ఉదయం 10.30 గంటలకు ఈ అప్డేట్ రానుంది. ఈ సినిమాలో డార్లింగ్ ప్రభాస్ రెండు విభిన్నపాత్రల్లో కనిపించనున్నారు.
