రాష్ట్రానికి చంద్రబాబు పాలనవసరం: సి.రామచంద్రయ్య

దిశ, కడప: ఆంధ్రప్రదేశ్‌కి అనుభవమున్న చంద్రబాబు పరిపాలన ఎంతో అవసరమని ఎమ్మెల్సీ రామచంద్రయ్య అన్నారు. టీడీపీ కడప నియోజకవర్గ మాజీ ఇంచార్జి అమీర్ బాబు, సీనియర్ నాయకులు లక్ష్మిరెడ్డితో కలిసి కడప జిల్లా శంకరాపురంలోని నమస్తే బోర్డు నుంచి ‘బాబు షూరిటీ- భవిష్యత్తు గ్యారెంటీ’ కార్యక్రమాన్ని నిర్వహించారు. గడపగడపకు తిరుగుతూ కరపత్రాలు పంచుతూ రాష్ట్రానికి చంద్రబాబు అవసరం అంటూ ప్రజలకు వివరించారు.

అనంతరం రామచందరయ్య మీడియాతో మాట్లాడుతూ రాష్ట్రం అన్ని విధాల బాగుండాలంటే ప్రజలు ఆయనను గెలిపించాలన్నారు. రాష్ట్రంలో ఎంతోమంది వృద్ధులకు, వితంతువులకు, వికలాంగులకు పెన్షన్ తీసివేయడంతో బాధితులు చాలా అవస్థలు పడుతున్నారని పేర్కొన్నారు.