ఏపీలో సంచలనం.. క్రిస్మస్ వేళ నారా లోకేష్‌కు వైఎస్ షర్మిల సర్‌ప్రైజ్
దిశ, వెబ్‌డెస్క్: టీడీపీ జాతీయ ప్రధాన కార్యదర్శి నారా లోకేష్‌కు వైఎస్ఆర్‌టీపీ అధినేత్రి షర్మిల సర్‌ప్రైజ్ ఇచ్చారు. క్రిస్మస్ పండుగ వేళ విషెస్ చెబుతూ ప్రత్యేకంగా బహుమతులు పంపించారు. ఈ విషయాన్ని స్వయంగా లోకేష్ ట్విట్టర్ వేదికగా తెలియజేశారు. ఈ సందర్భంగా మొత్తం నారా కుటుంబం మీకు కృతజ్ఞతలు చెబుతోందని లోకేష్ ప్రత్యేకంగా పేర్కొన్నారు. అంతేకాదు.. ‘మీకు, మీ కుటుంబ సభ్యులకు క్రిస్మస్‌తో పాటు, నూతన సంవత్సర శుభాకాంక్షలు.. ఈ కొత్త సంవత్సరం కూడా సంతోషకరంగా సాగిపోవాలి’ అని కోరుకుంటున్నామని తెలిపారు.
అయితే, ప్రస్తుతం ట్వీట్ అటు సోషల్ మీడియాలో, ఇటు ఏపీ రాజకీయాల్లో సంచలనంగా మారింది. టీడీపీ శ్రేణులు, వైసీపీ శ్రేణులు రకరకాలుగా స్పందిస్తున్నారు. ఇక దేశమంతా క్రిస్మస్ సంబరాలు అంబరాన్ని తాకుతున్నాయి. ఢిల్లీ నుంచి గల్లీ దాకా ఎక్కడ చూసినా శాంటా సందడే కన్పిస్తోంది. పలువురు ప్రముఖులు దేశ ప్రజలకు క్రిస్మస్ శుభాకాంక్షలు తెలిపారు.
