వైసీపీ నేత వీరంగం.. ఎంపీడీవో పై దాడి

దిశ, డైనమిక్ బ్యూరో: అన్నమయ్య జిల్లా గాలివీడు ఎంపీడీవో జవహర్‌బాబుపై వైఎస్సార్సీపీ నేత దాడికి పాల్పడ్డాడు. ఎంపీడీవోపై వైఎస్సార్సీపీ నేత సుదర్శన్‌రెడ్డి, అతడి అనుచరులు దాడి చేశారు. సుదర్శన్‌రెడ్డి గాలివీడు ఎంపీపీ పద్మావతమ్మ కుమారుడు ఎంపీపీ గది తాళాలు ఇవ్వాలని ఎంపీడీవోను కోరాడు. ఎంపీపీ లేకుండా గది తాళాలు ఇచ్చే ప్రసక్తే లేదని ఎంపీడీవో తెలిపారు. దీంతో దాడికి పాల్పడ్డారు. ఈ ఘటనపై ఎంపీడీవో జవహర్‌బాబు పోలీసులకు ఫిర్యాదు చేశారు. గాయపడిన ఎంపీడీవోను రాయచోటి ఆస్పత్రికి పోలీసులు తరలించారు. ఎంపీడీవోపై దాడి చేసిన సుదర్శన్‌రెడ్డిని అరెస్టు చేశారు. అన్నమయ్య జిల్లా గాలివీడు ఎంపీడీవో ఆఫీస్ వద్ద ఉద్రిక్తత నెలకొంది.