‘ఆ రోజు రాత్రి గంట పాటు లైట్లు ఆపేయండి’.. రాష్ట్ర ప్రజలకు కీలక పిలుపు

దిశ,వెబ్‌డెస్క్: రాష్ట్ర ప్రజలకు గవర్నర్(Governor) కీలక పిలుపునిచ్చారు. వరల్డ్ వైడ్ ఫండ్ ఫర్ నేచర్(WWF) ఎర్త్ అవర్ గ్లోబల్ ఉద్యమంలో భాగంగా.. ఈ నెల(మార్చి) 22న శనివారం రాత్రి 8.30 గంటల నుంచి 9.30 గంటల వరకు ఒక గంట పాటు అన్ని అనవసరమైన లైట్లను స్వచ్చందంగా ఆపివేసి ‘ఎర్త్ అవర్’(Earth Hour) పాటించాలని ఆంధ్రప్రదేశ్(Andhra Pradesh) గవర్నర్ ఎస్. అబ్దుల్ నజీర్(S. Abdul Nazeer) రాష్ట్ర ప్రజలకు పిలుపునిచ్చారు. ప్రపంచవ్యాప్తంగా ఒక గంట పాటు అనవసరమైన లైట్లను స్వచ్చందంగా ఆపివేయడం ద్వారా వాతావరణ పరిరక్షణ ఉద్యమంలో ప్రజలను ఏకం చేస్తూ, భవిష్యత్ తరాలకు మెరుగైన ప్రపంచాన్ని అందించడంలో సహాయపడుతుందని గవర్నర్ అబ్దుల్ నజీర్ అన్నారు.

"ఎర్త్ అవర్" అనేది పర్యావరణ(environmental) అవగాహన కోసం ప్రతి సంవత్సరం మార్చి చివరి శనివారం రాత్రి 8:30 నుంచి 9:30 గంటల వరకు ప్రపంచవ్యాప్తంగా నిర్వహిస్తారు. ప్రజల్లో పర్యావరణం పట్ల అవగాహన కల్పించడం కోసం విద్యుత్ లైట్లు ఓ గంట పాటు ఆపివేయడం జరుగుతుంది. ప్రపంచవ్యాప్తంగా లక్షలాది మంది ప్రజలు మన గ్రహం యొక్క భవిష్యత్తు పట్ల తమకు శ్రద్ధ ఉందని చూపించడానికి ఒక గంట పాటు సమావేశమవుతారు. బిగ్ బెన్ & సిడ్నీ ఒపెరా హౌస్ వంటి దిగ్గజ ప్రదేశాల నుంచి ప్రపంచవ్యాప్తంగా ఉన్న నగరాల వరకు, మన సహజ ప్రపంచానికి సంఘీభావాన్ని ప్రదర్శించే అద్భుతమైన ప్రదర్శనలో లైట్లు ఆరిపోతాయి.

Read More..

Lucky Zodiac Signs: మిధునంలో గురుడి సంచారం.. ఆ రాశుల వారికి డబ్బే డబ్బు..!