ఏపీ పీజీసెట్ 2024 నోటిఫికేషన్ విడుదల..చివరితేది ఎప్పుడంటే?
దిశ,వెబ్‌డెస్క్:ఏపీపీజీసెట్ నోటిఫికేేషన్ విడుదలైంది. రాష్ట్రవ్యాప్తంగా 17 యూనివర్సిటీలు,పీజీ కాలేజీల్లో దాదాపు 145 పోస్ట్ గ్రాడ్యుయేట్ కోర్సు (MA, Mcom,MSC,MCJ,MED,MPed,MscTec తదితర కోర్సుల్లో 2024-25 విద్యా సంవత్సరానికి ప్రవేశాలు కల్పించేందుకు నిర్వహించనున్న పోస్ట్ గ్రాడ్యుయేట్ కామన్ ఎంట్రన్స్ టెస్ట్‌-2024 (Ap PGCET) నోటిఫికేషన్‌ను ఉన్నత విద్యామండలి విడుదల చేసింది.ఈ నోటిఫికేషన్ కు సంబధించి ఆన్‌లైన్‌ దరఖాస్తులు ఏప్రిల్‌ 1 నుంచి మే 4వ తేదీ వరకు కొనసాగనున్నాయి.దీనికి సంబంధించిన సబ్జెక్టులో బ్యాచిలర్ డిగ్రీలో ఉత్తీర్ణత పొందినవారు అప్లై చేసుకోవచ్చు. డిగ్రీ చివరి ఏడాది పరీక్షలు రాస్తున్నవారు కూడా దరఖాస్తుకు అర్హులు.దీనికి సంబంధించిన పూర్తి వివరాలు అధికారిక వెబ్ సైట్ లో చూడవచ్చు.
ఈ ఎంట్రన్స్ ఎగ్జామ్ జూన్ 10వ తేదీ నుంచి రాష్ట్రవ్యాప్తంగా పలు పరీక్ష కేంద్రాల్లో నిర్వహిస్తారు. పరీక్ష ఆన్‌లైన్‌ (సీబీటీ) విధానంలో ఉంటుంది. మొత్తం 3 కేటగిరీలకు ప్రవేశ పరీక్ష ఉంటుంది. కేటగిరీ-1 పరీక్షలో ఆర్ట్స్, హ్యూమానిటీస్, సోషల్ సైన్సెస్ కోర్సులు ఉంటాయి. కేటగిరీ-2 పరీక్షలో కామర్స్ అండ్‌ ఎడ్యుకేషన్ కోర్సు ఉంటుంది. కేటగిరీ-3 పరీక్షలో సైన్స్ సబ్జెక్టులకు పరీక్ష నిర్వహిస్తారు.
దరఖాస్తు ఫీజు: జనరల్ కేటగిరీలకు చెందిన వారు రూ.850, బీసీలు రూ.750, ఎస్సీ, ఎస్టీ, దివ్యాంగులు రూ.650 అప్లికేషన్‌ ఫీజు చెల్లించాలి.
రూ.500 ఆలస్య రుసుముతో ఆన్‌లైన్‌ దరఖాస్తు చివరి తేదీ: మే 15,2024
రూ.1000 ఆలస్య రుసుముతో ఆన్‌లైన్‌ దరఖాస్తు చివరి తేదీ: మే 25, 2024
