కోడిపందాలకు సై.. తగ్గేదే లే అంటున్న పందెం రాయుళ్లు

దిశ, పాలకొల్లు: సంక్రాంతి పండుగ అంటేనే ఉభయగోదావరి జిల్లాల్లో కోడి పందాలు గుర్తుకొస్తాయి. ఈ జిల్లాల్లో కోడి పందాలు తిలకించేందుకు తెలంగాణ, కర్ణాటక, తమిళనాడు రాష్ట్రాల నుంచే కాకుండా ఇతర దేశాల నుంచి కూడా సంక్రాంతి పండుగకు వచ్చి కోడిపందాలను తిలకించి కోడిపందాలలో, జూదంలోనూ బెట్టింగులు వేసుకుని ఎంజాయ్ చేయడం పరిపాటిగా మారింది. దీని కోసం ఫైట్స్, కార్స్, రైల్లో వస్తుంటారు.డబ్బులు వచ్చినా పోయిన బాధపడకుండా అదోత్రిలుగా ఫీల్ అవుతూ ఉండటం విశేషం. ఈ పందాల నిర్వహణకు గత మూడు నెలలుగా నిర్వాహకులు బరులు, దక్కించుకునేందుకు ప్రయత్నాలు చేస్తున్నట్లు తెలుస్తోంది. మరోవైపు పందెం కోళ్లను కూడా ఇప్పటికే సిద్ధం చేసినట్లు తెలిసింది.

రూ.1000 కోట్లు చేతులు మారే అవకాశం:

ఉపయోగ గోదావరి జిల్లాల్లో కోడి పందాలు నిర్వహణ కోసం మొత్తం మీద ఏకంగా 1000 కోట్ల రూపాయలు చేతులు మారే అవకాశం ఉన్నట్లు సమాచారం. కోడిపందాలు లక్షల రూపాయల్లో జరుగుతాయని అంటున్నారు. మద్యం ఏరులై పారుతుందని తెలుస్తోంది.

గుండాట లేకపోతే నిర్వాహకులకు దండగే:

కోడిపందాలతో గుండాటలు కూడా లేకపోతే కోడిపందాలు దండగని నష్టం తప్ప లాభాలు రావని, ఒక్కోసారి చేతి డబ్బులు కూడా పోతాయని నిర్వాహకులు వ్యాఖ్యానిస్తున్నట్లు తెలుస్తోంది. అంతేకాకుండా కోడిపందాలు తిలకించేవారు కూడా కోడిపందాలు కాకుండా గుండాట్లు చూసి మజా చేసేవారు 50% పై మంది ఉంటారని అందువల్ల ఈసారి కోడిపందాలతో పాటు గుండా ట లు,కూడా మూడు రోజులు పోటు అనుమతి ఇవ్వాలని ఒత్తిడి తెస్తున్నట్లు సమాచారం

ఇప్పటికే బుక్కైన హోటల్ రూములు:

కోడి పందాలు నిర్వహణకు నిర్వాహకులే కాకుండా, మూడు రోజుల పాటు ఆ హోటల్ రూమ్ లో ఉండి తిలకించేవారు కూడా అధిక సంఖ్యలో హోటల్ గదులు బుక్ చేసుకున్నట్లు తెలుస్తోంది. పశ్చిమగోదావరి జిల్లాలో ఏలూరు, భీమవరం నరసాపురం, తణుకు, తాడేపల్లిగూడెం,పాలకొల్లు ప్రాంతాల్లో హోటల్ గదిలని ఇప్పటికే బుక్ చేసుకున్నట్లు తెలుస్తోంది.

కూటమి ప్రభుత్వం ఇచ్చే మూడు రోజుల పాటు గ్రీన్ సిగ్నల్ కోసం ఎదురుచూపులు:

ఈ సంక్రాంతి పండుగ కు కూటమి ప్రభుత్వం అధికారంలో ఉండటంతో మూడు రోజుల పాటు ఎలాంటి అభ్యంతరం చెప్పకుండా అనుమతులు ఇస్తారని, దీనికోసం ప్రస్తుత డిప్యూటీ స్పీకర్, కోడిపందాలు ప్రియుడు రఘురాం కృష్ణంరాజు అనుమతులు ఇప్పిస్తారని ప్రచారం సాగుతోంది. ఎక్కువమంది ఉత్సాహవంతులైన ప్రజలు కూడా ఒక కోడి పందాలు కాకుండా, గుండాటలు కూడా ఎంజాయ్ చేయడం కావాలని కోరడంతో ఈసారి కోడిపందాలతో పాటు గుండాటలు కూడా అనుమతులు ఇచ్చేస్తారని ప్రచారం సాగుతోంది. గతంలో వట్టి కోడి పందాలు నిర్వహించినప్పుడు యువకులు కూడా కొందరు గుండాటలు లేకపోవడం తప్పు పట్టడం, ప్రభుత్వంపై విమర్శలు చేసిన నేపథ్యంలో ఈసారి మూడు రోజులపాటు చూసి చూడనట్లు వదిలేస్తారని ప్రచారం సాగుతోంది. అందువల్లే ఈసారి పండుగ అందరి అభిరుచి ప్రకారం జరుగుతుందని, దీనికోసం నిర్వాహకులు ఇప్పటినుంచి పెద్ద ఎత్తున బరులు దక్కించుకునేందుకు ప్రయత్నం సాగిస్తున్నట్లు తెలుస్తోంది.బరులు దక్కించుకునేందుకు ఎమ్ ఎల్ ఎ లు, మంత్రులు చుట్టూ నిర్వాహకులు ప్రదక్షిణలు చేస్తున్నారు.