తిరుమల శ్రీవారికి వీవీఎస్ లక్ష్మణ్ భారీ విరాళం

దిశ, వెబ్‌డెస్క్: టీమిండియా మాజీ క్రికెటర్ వీవీఎస్ లక్ష్మణ్ శనివారం ఉదయం తిరుమల శ్రీవారిని దర్శించుకున్నారు. కుటుంబసభ్యులకు కలిసి నైవేద్య సమయంలో స్వామివారిని దర్శించుకున్నారు. స్వామివారి దర్శనం అనంతరం ఆలయంలోని రంగనాయకుల మండపంలో లక్ష్మణ్‌కు అర్చకులు ఆశీర్వచనం అందించారు. స్వామివారి చిత్రపటం బహుకరించడంతో పాటు తీర్థప్రసాదాలు అందించారు. ఈ సందర్భంగా టీటీడీ అధికారులు లక్ష్మణ్‌ను సత్కరించారు.

తిరుమల దర్శనానికి వచ్చినందున స్వామివారికి లక్ష్మణ్ భారీ విరాళం ప్రకటించారు. ఏకంగా రూ.14 లక్షల విరాళం టీటీడీకి అందించారు. ప్రస్తుతం తిరుమలలో బ్రహ్మోత్సవాలు జరుగుతున్నాయి. దీంతో ఆలయ అలంకరణ కోసం ఈ విరాళం అందించారు. చాలారోజుల తర్వాత స్వామివారిని దర్శించుకోవడం చాలా సంతోషంగా ఉందని లక్ష్మణ్ తెలిపారు.