బిచ్చగాడు-2కి విశేష ఆదరణ.. హీరో విజయ్ ఆంటోనీ

దిశ, ఉత్తరాంధ్ర: తాను నటించిన బిచ్చగాడు - 2 సినిమాను విశేషంగా ఆదరిస్తున్న ప్రేక్షకులకు థాంక్స్ అని తమిళ హీరో విజయ్ ఆంటోనీ అన్నారు. విశాఖలో జరిగిన సక్సెస్ టూర్ లో భాగంగా ఆయన శనివారం జగదాంబ థియేటర్ లో మ్యాట్నీ షో విరామ సమయంలో ప్రేక్షకులతో మాట్లాడారు. బిచ్చగాడుని మించి బిచ్చగాడు -2 విజయవంతం అవ్వడం సంతోషంగా ఉందని అన్నారు. ఈ రెండు సినిమాలు తెలుగులో సూపర్ హిట్ కావడం ఆనందంగా ఉందని చెప్పారు. ఆర్ కే బీచ్ లో సాయంత్రం జరిగే సక్సెస్ మీట్ లో విశాఖ ప్రజలు పాల్గొనాలని కోరారు.

డిస్ట్రిబ్యూటర్ ప్రతినిధి సురేష్ మాట్లాడుతూ.. ఈ సినిమా తమిళం కన్నా తెలుగులోనే బాగా విజయవంతం అవ్వడం విశేషం అన్నారు. ఆంధ్రాలో నే అతి పెద్ద థియేటర్ అయిన జగదాంబ లో బిచ్చగాడు - 2 సినిమా విజయవంతంగా హౌస్ ఫుల్ అవుతోందని చెప్పారు. ఈ సినిమా రెండు తెలుగు రాష్ట్రాల్లో పూర్వీ పిక్చర్స్ ద్వారా విడుదలైందని తెలిపారు. కథ బాగుంటే హీరో ఎవరు అయినా సరే సినిమా హిట్ అవుతుందనడానికి ఈ సినిమా ఉదాహరణ అన్నారు. ఈ కార్యక్రమంలో థియేటర్ అధినేత వి.జగదీష్, మేనేజర్ రాజు, పూర్వీ పిక్చర్స్ అధినేత నాయుడు, తదితరులు పాల్గొన్నారు.