AP News:రాష్ట్రానికి చంద్రబాబు నాయకత్వం అవసరం:గండి బాబ్జీ

దిశ ప్రతినిధి,విశాఖపట్నం: రాష్ట్రానికి చంద్రబాబు నాయకత్వం అవసరం అని విశాఖపట్నం జిల్లా అధ్యక్షుడు, దక్షిణ నియోజకవర్గ ఇన్చార్జ్ గండి బాబ్జీ అన్నారు. ఆదివారం జిల్లా తెలుగుదేశం పార్టీ కార్యాలయంలో విశాఖ దక్షిణ నియోజకవర్గం 32 వ వార్డు అధ్యక్షులు దాసరి దుర్గా రెడ్డి పంపాన రాజ్యలక్ష్మి అప్పారావుల ఆధ్వర్యంలో టీడీపీ పార్టీలో 50 మంది చేరారు. వారికి పార్టీ కండువాలు వేసి ఆహ్వానించారు. ఈ సందర్భంగా బాబ్జి మాట్లాడుతూ ఐదేళ్ల పాలనలో రాష్ట్రం అధోగతి పాలయిందని అన్నారు. రాష్ట్రంలో జరుగుతున్న అరాచకాలు అభివృద్ధి కూడా ప్రజలు గమనిస్తున్నారని ఈ పరిస్థితులను చూసి ప్రజలు మార్పు కోరుకుంటున్నారని అదే సమయంలో చంద్రబాబు సీఎం కావాలని ప్రజలు ఎదురు చూస్తున్నారని పేర్కొన్నారు.

రాష్ట్రంలో కూటమి విజయవంతంగా గెలుస్తుందని ఆశాభావం వ్యక్తం చేశారు. పార్టీలో చేరిన వారికి ఎల్లవేళలా అందుబాటులో ఉంటామని అన్నారు. పార్టీ కార్యకర్తలకు ఎటువంటి ఇబ్బందులు ఉన్న అండగా ఉంటాం అని చెప్పారు. విశాఖ పార్లమెంట్ కూటమి ఎంపీ అభ్యర్థి, విశాఖ దక్షిణ నియోజకవర్గం ఉమ్మడి ఎమ్మెల్యే అభ్యర్థి వంశీకృష్ణ శ్రీనివాస్ గెలుపుకు ప్రతి ఒక్కరు కృషి చేయాలి అని పిలుపునిచ్చారు. కార్యక్రమంలో జిల్లా ప్రధాన కార్యదర్శి పొలమరశెట్టి శ్రీనివాసరావు వి.మంగ వేణి, క్రిష్ణ వేణి సిహెచ్ ఎర్రయ్య పి.గురుమూర్తి తదితరులు పాల్గొన్నారు.