విశాఖ హనీ‌ట్రాప్ కేసు.. దూకుడు పెంచిన పోలీసులు

దిశ, వెబ్ డెస్క్: విశాఖ హనీ‌ట్రాప్ కేసు(Visakha Honeytrap Case)లో పోలీసులు దూకుడు పెంచారు. మరింత లోతుగా విచారణ చేపడుతున్నారు. ఈ కేసు బాధితులు ఎక్కువగా ఉంటారని అంచనా వేశారు. ఇంకా ఎవరైనా ఉంటే తమను సంప్రదించాలని విజ్ఞప్తి చేశారు. ఈ కేసుకు సంబంధించి ఇప్పటికే పలువురు నిందితులను అదుపులో తీసుకున్నారు. వీరిని విచారిస్తున్న క్రమంలో పలు సంచలన విషయాలు ఒక్కొక్కటిగా వెలుగులోకి వస్తున్నాయి.

ఇక హైదరాబాద్ కేంద్రంగా ఈ హనీ ట్రాప్ ముఠా నెట్ వర్క్ నడుస్తోంది. అందమైన అమ్మాయిల ఫొటోలతో పెళ్లికాని యువకులను ఆకర్షించారు. సోషల్ మీడియా ద్వారా అమాయకులను తమ బుట్టలో వేసుకున్నారు. ఆ తర్వాత బాధితులకు మత్తు పదార్థాలు అలవాటు చేశారు. అలా ఆ వ్యక్తులు మత్తులోకి జారుకున్న తర్వాత వారితో యువతులు సన్నిహితంగా ఉన్నట్లు ఫోటోలు తీశారు. ఆ తర్వాత ఫొటోలను బాధితులకు చూపించి డబ్బులు వసూలు చేశారు. ఫొటోలు బయటకు వస్తే పరువుపోతుందన్న భయంతో బాధితులు ఆన్ లైన్ ద్వారా డబ్బులు సమర్పించుకున్నారు. ఈ హనీ ట్రాప్‌లో చాలా మంది యువకులు ఇరుకున్నట్లు పోలీసులు భావిస్తున్నారు. దీంతో నిందితుల ట్రాన్సాక్షన్‌పై పోలీసులు నిఘా పెట్టారు. నగదు లావాదేవీలకు సంబంధించి ఆరా తీస్తున్నారు. త్వరలోనే కేసును ఛేదిస్తామని తెలిపారు. నిందుతులను వదిలేది లేదని పోలీసులు హెచ్చరించారు.