YSRCP:విజయనగరం ఎమ్మెల్సీ అభ్యర్థిని ప్రకటించిన వైసీపీ
దిశ,వెబ్‌డెస్క్: రాష్ట్రంలో వైసీపీ మరో కీలక నిర్ణయం తీసుకున్నట్లు తెలుస్తోంది. తాజాగా విజయనగరం స్థానిక సంస్థల ఎమ్మెల్సీ ఎన్నిక కోసం వైసీపీ అభ్యర్థిని ప్రకటించింది. బొబ్బిలి మాజీ ఎమ్మెల్యే శంబంగి వెంకట చిన్నప్పలనాయుడు బరిలో ఉన్నట్లు తెలిపింది. కాగా ఈ నెల(నవంబర్) 11తేదీ వరకు నామినేషన్లు స్వీకరించనున్నారు. ఈ నెల 28న ఎన్నిక జరగనుంది. అయితే గతంలో ఈ నియోజకవర్గానికి ప్రాతినిధ్యం వహించిన మాజీ ఎమ్మెల్సీ ఇందుకూరి రఘురాజు పార్టీ వ్యతిరేక కార్యకలాపాలకు పాల్పడుతున్నారని ఆరోపిస్తూ వైసీపీ నాయకత్వం ఏపీ హైకోర్టును ఆశ్రయించడంతో ఆయన పై అనర్హత వేటు పడింది. ఈ క్రమంలో రఘురాజు పై అనర్హత వేటుతో ఎమ్మెల్సీ స్థానం ఖాళీ అయింది. ఈ నేపథ్యంలో ఎమ్మెల్సీ ఎన్నిక నిర్వహించడం జరుగుతుంది. ఇక ప్రస్తుతం విజయనగరం ఎమ్మెల్సీ స్థానానికి ఎన్నిక జరగునున్న నేపథ్యంలో ఈ ఎన్నికల్లో ఎలాగైనా విజయం సాధించాలని వైసీపీ భావిస్తుంది.
