తిరుమలలో TTD ఈవో శ్యామలరావు తనిఖీలు.. ఇద్దరు ఉద్యోగులకు మెమోలు జారీ

దిశ, వెబ్‌డెస్క్: ప్రముఖ దేవస్థానం తిరుమలలో ఆలయ ఈవో శ్యామలరావు ఆకస్మిక తనిఖీలు చేపట్టారు. ఆదివారం తిరుమలలో పర్యటించిన ఆయన.. సర్వదర్శనం క్యూలైన్లను పరిశీలించారు. సర్వదర్శనం క్యూలో పారిశుద్ధ్య లోపంపై తీవ్ర అసహనం వ్యక్తం చేశారు. ఈ మేరకు ఇద్దరు శానిటరీ ఉద్యోగులకు మెమోలు జారీ చేశారు. ఆలయంలో భక్తులకు అందించే తాగునీరు పరిశ్రుభంగా లేకపోవడంతో ఉద్యోగులపై అసహనం వ్యక్తం చేశారు. కాగా, ఇటీవల ఆంధ్రప్రదేశ్‌లో ప్రభుత్వం ఏర్పాటు చేసిన టీడీపీ, జనసేన, బీజేపీ కూటమి టీటీడీ ఈవో ధర్మా రెడ్డిని ఆ పదవి నుండి తొలగించిన విషయం తెలిసిందే. ఈ పోస్ట్‌ను తాజాగా సీనియర్ అధికారి శ్యామలరావుకు చంద్రబాబు సర్కార్ అప్పగించింది. ఈ క్రమంలో ఆదివారం టీటీడీ ఈవోగా బాధ్యతలు స్వీకరించిన శ్యామలరావు.. అనంతరం ఆలయంలో ఆకస్మిక తనిఖీలు చేపట్టారు.