చిత్తూరు జిల్లాలో రెచ్చిపోయిన దొంగలు..రూ. 25 లక్షల ఏటీఏం నగదు చోరీ

దిశ, వెబ్ డెస్క్: చిత్తూరు జిల్లాలో ముగ్గురు దొంగలు రెచ్చిపోయారు. అర్ధరాత్రి సమయంలో ముసుగులు ధరించి గుడిపాలలో రెండు ఏటీఎం మెషిన్లను ధ్వంసం చేసి రూ. 25 లక్షలు చోరీకి పాల్పడ్డారు. ఓ ఏటీఎంలో రూ. 13 లక్షలు, మరో ఏటీఎంలో రూ. 12.9 లక్షలను ఎత్తుకెళ్లారు. చోరీ దృశ్యాలు సీసీ కెమెరాల్లో రికార్డయ్యాయి. వీటి ఆధారంగా పోలీసులు కేసు ఛేదించేందుకు ప్రయత్నం చేస్తున్నారు. జిల్లాలో విస్తృతంగా గాలిస్తున్నారు. త్వరలోనే నిందితులను పట్టుకుంటామని చెప్పారు.