స్నేహితుల దినోత్సవం రోజున విశాఖలో తీవ్ర విషాదం

దిశ, వెబ్ డెస్క్: స్నేహితుల దినోత్సవం రోజున విశాఖలో తీవ్ర విషాదం చోటు చేసుకుంది. ముగ్గురు యువకులు గంభీరం జలాశయంలో ఈతకు వెళ్లారు. అయితే ముగ్గురు సరదాగా ఈత కొడుతున్నారు. లోతైన ప్రాంతం వైపు వెళ్లడంతో ఒక్కసారిగా నీటిలో గల్లంతయ్యారు. స్థానికులు గమనించి ఇద్దరు యువకులను కాపాడారు. కానీ మరో యువకుడిని రక్షించలేకపోయారు. నీటిలో మునిగిపోయి యువకుడు నిరంజన్‌ మృతి చెందారు. ఈతగాళ్ల సాయంతో పోలీసులు యువకుడి మృతదేహాన్ని బయటకు తీసి పోస్టుమార్టంకు తరలించారు. ముగ్గురు యువకులు బీటెక్ విద్యార్థులుగా గుర్తించారు. కుటుంబ సభ్యులకు సమాచారం అందజేశారు. ఘటనపై కేసు నమోదు చేసి దర్యాప్తు చేస్తున్నారు.