Amaravati: సీనియర్ నేత వెంకటేశ్ గౌడ్ మృతి.. సీఎం చంద్రబాబు సంతాపం

వెబ్ డెస్క్: తెలంగాణ టీడీపీ నేత కూన వెంకటేశ్ గౌడ్ (Tdp Leader Kuna Venkatesh Goud) శుక్రవారం రాత్రి మృతి చెందారు. కొంతకాలంగా ఆయన ఆనారోగ్యంతో బాధ పడుతున్నారు. 2009ఎన్నికల సమయంలో కూకట్‌పల్లి నియోజకవర్గం ప్రజారాజ్యం ఎమ్మెల్యే అభ్యర్థిగా కూన వెంకటేశ్ గౌడ్ పోటీ చేశారు. ఆ తర్వాత జరిగిన ఎన్నికల్లో సికింద్రాబాద్, సనత్‌నగర్ టీడీపీ అభ్యర్థిగా పోటీ చేశారు. కొంతకాలంగా రాజకీయాలకు దూరంగా ఉంటున్నారు. అనారోగ్యంతో ఆస్పత్రికిలో చికిత్స పొందుతూ వెంకటేశ్ గౌడ్ మృతి చెందారు.

కాగా కూన వెంకటేశ్ గౌడ్ మృతిని తెలుసుకున్న ఏపీ సీఎం చంద్రబాబు నాయుడు (Ap Cm Chandrababu Naidu) సంతాపం తెలిపారు. ఉమ్మడి రాష్ట్రంలో టీడీపీ బీసీ సెల్ అధ్యక్షులుగా పార్టీకి వెంకటేష్ గౌడ్ సేవలందించారని కొనియాడారు. సనత్ నగర్, సికింద్రాబాద్ నియోజకవర్గాల్లో పార్టీ బలోపేతానికి కృషి చేసిన వెంకటేష్ గౌడ్ మృతి బాధాకరమన్నారు. ఆయన ఆత్మకు శాంతి కలగాలని భగవంతుడిని ప్రార్థస్తున్నానని, వారి కుటుంబ సభ్యులకు ప్రగాఢ సానుభూతిని తెలియజేస్తున్నానని సీఎం చంద్రబాబు తెలిపారు.