బుడమేరు ప్రవాహంలో చిక్కుకున్న టీడీపీ నేతలు.. తృటిలో తప్పిన ప్రమాదం

బుడమేరు వాగులో టీడీపీ నేతలకు పెను ప్రమాదం తృటిలో తప్పింది. వరద ప్రాంతాలను పరిశీలించేందుకు గానూ టీడీపీ నేతలు, పలువురు అధికారులు బోటులో వెళుతుండగా హఠాత్తుగా వారి బోటు ప్రవాహంలో చిక్కుకుపోయింది. దీంతో బోటులో ఉన్నవాళ్లంతా తీవ్ర భయాందోళనలకు గురయ్యారు. అయితే ప్రవాహ వేగానికి కొద్ది దూరం కొట్టుకుపోయిన తర్వాత బోటు అడుగు భాగం వంతెన రెయిలింగ్‌లో చిక్కుకుని నిలిచిపోయింది. దీంతో హుటాహుటిన ఎన్డీఆర్ఎఫ్ బృందంతో పాటు గజ ఈతగాళ్లు నీటిలోకి దిగి టీడీపీ నేతలు, అధికారులను రక్షించి సురక్షితంగా ఒడ్డుకు తీసుకొచ్చారు.