త్వరలోనే వైసీపీ రౌడీలకు రియల్ సినిమా.. చంద్రబాబు మాస్ వార్నింగ్

దిశ, వెబ్ డెస్క్: సీఎం జగన్ పాలన అట్టర్ ఫ్లాప్ సినిమా అని సీక్వెల్ ఉంటుందా టీడీపీ అధినేత చంద్రబాబు ప్రశ్నించారు. పశ్చిమగోదావరి జిల్లా తాడేపల్లిగూడెంలో టీడీపీ, జనసేన ఉమ్మడి సభలో ఆయన పాల్గొన్నారు. ఈ సందర్భంగా చంద్రబాబు మాట్లాడుతూ టీడీపీ, జనసేన కూటమి సూపర్ హిట్ కాంబినేషన్ అని వ్యాఖ్యానించారు. రాష్ట్రంలో జరుగుతున్న విధ్వంసానికి త్వరలోనే ఫుల్ స్టాప్ పెట్టబోతున్నామని చంద్రబాబు ఎద్దేవా చేశారు. టీడీపీ-జనసేన విన్నింగ్ టీమ్, వైసీపీ ఛీటింగ్ టీమ్ అని ఆసక్తికర వ్యాఖ్యలు చేశారు. టీడీపీ అగ్నికి పవన్ వాయివులా చేతులు కలిపారని తెలిపారు. మాఫియా నేత కావాలా..? ప్రజా సేవ చేసే నాయకులు కావాలనే అనేది ప్రజలే నిర్ణయించుకోవాలని సూచించారు. వైసీపీ గూండాలకు సినిమా చూపిస్తామని చంద్రబాబు హెచ్చరించారు.