‘ఎవడబ్బ సొత్తని దోచి పెట్టారు’.. గత ప్రభుత్వం పై సోమిరెడ్డి సంచలన వ్యాఖ్యలు

దిశ, వెబ్‌డెస్క్: వైసీపీ ప్రభుత్వ హయాంలో రాష్ట్రం తీవ్రంగా నష్టపోయిందని టీడీపీ ఎమ్మెల్యే సోమిరెడ్డి చంద్రమోహన్ రెడ్డి(TDP MLA Somireddy Chandramohan Reddy) విమర్శించారు. 108 అంబులెన్సుల నిర్వహణలో ఓ కంపెనీ భారీ కుంభకోణానికి పాల్పడిందని సోమిరెడ్డి కీలక ఆరోపణలు చేశారు. ఇవాళ(బుధవారం) ఆయన మీడియాతో మాట్లాడారు. ఓ కంపెనీకి ప్రజల సొత్తును మాజీ సీఎం జగన్ రెడ్డి దోచిపెట్టారని ఆయన ఆరోపించారు. గోల్డెన్ అవర్ పాటించడంలోనూ ఆ కంపెనీ విఫలమైందన్నారు. గతంలోనే గోల్డెన్ అవర్ విషయం కాగ్ స్పష్టం చేసినా.. గత వైసీపీ ప్రభుత్వం పట్టించుకోలేదన్నారు. కంపెనీ అరాచకాలపై సమగ్ర విచారణ జరిపి చర్యలు తీసుకోవాలని ప్రభుత్వాన్ని కోరుతామని సోమిరెడ్డి తెలిపారు.