Breaking: వాళ్ళ ఆర్తనాదాలు శ్రవణానందకరంగా ఉన్నాయి.. నారా లోకేష్
దిశ డైనమిక్ బ్యూరో: తెలుగుదేశం పార్టీతో జనసేన పార్టీ పొత్తు కలుపుకున్న విషయం అందరికి తెలిసిందే. అయితే ఎన్నికల సమయం దగ్గర పడుతున్న నేపథ్యంలో ఇరు పార్టీల అధినేతలు సీట్ల కేటాయింపు అంశంపై చర్చించుకుని ఓ నిర్ణయానికి వచ్చారు. ఇక ఆ నిర్ణయం ప్రకారం మొదటి లిస్ట్ ను నిన్న విడుదల కాగా.. 118 మంది అభ్యర్థులను అధికారికంగా ప్రకటించింది టీడీపీ అధిష్టానం.
అయితే విడుదలైన మొదటి లిస్ట్ ప్రకారం 94 సీట్లు టీడీపీ తీసుకోగా 24 సీట్లను జనసేనకు ఇచ్చింది. ఈ నేపథ్యంలో కొన్ని మాధ్యమాలు టీడీపీ జనసేనను ఎద్దేవ చేస్తూ.. పావుషేరు పాలిట్రిక్స్ అని ప్రచారం చేయసాగాయి. ఈ నేపథ్యంలో టీడీపీ, జనసేన పై కొన్ని మీడియా సంస్థలు చేస్తున్న దుష్ప్రచారంపై నారా లోకేష్ ట్విట్టర్ వేదికగా స్పందించారు.
ఓ ప్రముఖ న్యూస్ ఛానల్ ఫోటోని షేర్ చేస్తూ.. ఆ ఫోటో కి బ్లూ మీడియా ఆర్తనాదాలు శ్రవణానందకరంగా ఉన్నాయి.. బై బై జగన్ అనే కాప్షన్ ట్యాగ్ చేశారు. ఇక ఈ పోస్ట్ చూసిన నెటిజన్స్ పలు రకాలుగా స్పందిస్తున్నారు. ఆర్తనాదాలు మామూలుగా లేవని ఒకరు.. ఇండైరెక్ట్ గా పవన్ కళ్యాణ్ న్ని ట్రోల్ చేస్తున్నావని మరొకరు ఇలా నెటిజన్స్ కామెంట్ల రూపంలో తమ అభిప్రాయాలను వ్యక్తపరుస్తున్నారు.
బ్లూ మీడియా ఆర్తనాదాలు శ్రవణానందకరంగా ఉన్నాయి. బై..బై ..జగన్!#RipBlueMedia #DirtyJGang #TDPJSPWinning #ByeByeJaganIn2024 pic.twitter.com/ho5ezCu81q
— Lokesh Nara (@naralokesh) February 25, 2024
