పొలిటికల్ హీట్ పెంచిన హీరో విశాల్.. నేడు సీఎం జగన్‌తో భేటీ
దిశ, వెబ్‌డెస్క్ : తమిళంతోపాటు తెలుగు ప్రజలకు సుపరిచితుడు కొలీవుడ్ హీరో విశాల్. ఆయన తీసిన ప్రతి సినిమాను తెలుగులోకి డబ్ చేస్తూ ఇక్కడి ప్రేక్షకులకు దగ్గరయ్యారు ఆయన. అయితే విశాల్‌పై కొద్ది రోజులుగా ఓ టాక్ మీడియాలో చక్కర్లు కొడుతుంది. ఆయన కుప్పం నియోజకవర్గం నుంచి చంద్రబాబుపై పోటీకి దిగుతున్నారని ప్రచారం జరుగుతోంది. వైసీపీ నుంచి విశాల్ టీడీపీ అధినేతను ఢీకొట్టబోతున్నారని సోషల్ మీడియాలో తెగ వైరల్ అవుతుంది. ఈ నేపథ్యంలోనే ఈ సినీ హీరో నేడు సీఎం జగన్‌తో సమావేశం అవుతుండటం రాజకీయంగా ప్రాధాన్యత సంతరించుకుంది. తాను రాజకీయాల్లోకి రావడం ఖాయం అని ప్రకటించిన విశాల్.. కుప్పం నుంచి పోటీ చేస్తాలేనని ఇప్పటికే ప్రకటించారు. కానీ ఈ ప్రచారం జరుగుతున్న సమయంలోనే ఆయన వైసీపీ అధినేతతో భేటీ కానుండటం హాట్ టాపిక్‌గా మారింది. లాఠీ సినిమా ప్రమోషన్‌లో భాగంగా తిరుపతికి వచ్చిన విశాల్ ఇవాళ తాడేపల్లిలోని సీఎం క్యాంప్ ఆఫీసులో వైఎస్ జగన్ మోహాన్ రెడ్డిని కలవనున్నారు. మరి సీఎం జగన్, విశాల్ భేటీ తర్వాత ఎలాంటి వార్త బయటకు వస్తుందో తెలియాలంటే మరి కొన్ని గంటలు వేచి చూడాల్సిందే.
ఇవి కూడా చదవండి :
తెలంగాణ కాంగ్రెస్ వ్యవహారాల పై అధిష్ఠానం ఫోకస్.. రాహుల్ గాంధీ వద్దకు మాణిక్యం ఠాగూర్
