అందుకే 11 స్థానాలకు పడిపోయింది.. వైసీపీపై లోకేశ్ సెటైర్లు

దిశ, వెబ్ డెస్క్: బూతులకు, అసభ్యకర పోస్టులకు వైసీపీ ఒక మోడల్ అని మంత్రి నారా లోకేశ్(Minister Nara Lokesh) విమర్శించారు. తూర్పుగోదావరి జిల్లాలో వైఎస్సార్ కాంగ్రెస్ పార్టీ(Ysr Congress Party)కి కీలక నేతలు తెలుగుదేశం పార్టీ(Telugu Desam Party)లో చేరిన సందర్భంగా వైసీపీ సోషల్ మీడియాలో పోస్టులపై ఆయన స్పందించారు. భాష ప్రధానమని, ప్రజలు మనపై పవిత్ర బాధ్యత పెట్టారని తెలిపారు. ప్రజా వ్యతిరేక విధానాలతో వైఎస్సార్ కాంగ్రెస్ పార్టీ 11 స్థానాలకు పడిపోయిందని ఎద్దేవా చేశారు. తానే రాజు, తానే మంత్రి అనుకోకూడదన్నారు. అసెంబ్లీలో ప్రతిపక్ష ఎమ్మెల్యేలు లేకపోయినా ప్రజా సమస్యల పరిష్కారం కోసం పని చేస్తామని హామీ ఇచ్చారు. టీడీపీ క్రమశిక్షణ గల పార్టీ అని, నేతలు స్థానికంగా అందరినీ సమన్వయం చేసుకుని పని చేయాలని లోకేశ్ పిలుపు నిచ్చారు.