Minister Ambati: ‘ఆంబోతు’ వ్యాఖ్యలపై చంద్రబాబుకు స్ట్రాంగ్ రిప్లై

దిశ, వెబ్ డెస్క్: టీడీపీ అధినేత చంద్రబాబుపై మంత్రి అంబటి రాంబాబు ఆగ్రహం వ్యక్తం చేశారు. కడప పర్యటనలో ఆంబోతు రాంబాబు అంటూ చంద్రబాబు చేసిన వ్యాఖ్యలపై ఆయన స్పందించారు. చంద్రబాబు జీవితమంతా ఆంబోతులకు ఆవులను సప్లై చేయడమేనని అంబటి విమర్శించారు. చంద్రబాబు ఆపిన ప్రాజెక్టులన్నీ వైఎస్ పూర్తి చేశారని గుర్తు చేశారు. ప్రాజెక్టులకు శంకుస్థాపన చేయడం తప్ప పూర్తి చేయడం చంద్రబాబుకు తెలియదని మంత్రి అంబటి ఎద్దేవా చేశారు.

చంద్రబాబు 14 ఏళ్లు ముఖ్యమంత్రిగా ఉండి పోలవరాన్ని ఎందుకు పూర్తి చేయలేకపోయారని అంబటి నిలదీశారు. రాయలసీమపై మాట్లాడుతున్న చంద్రబాబు ఆ ప్రాంత అభివృద్ధికి ఏం చేశారని రాంబాబు ప్రశ్నించారు. చంద్రబాబు చేసిన నదుల అనుసంధానంతో ఏం జరిగిందన్నారు. పోలవరం, పులిచింతలపై తాను అడిగిన ప్రశ్నలకు సమాధానం చెప్పలేక ఆంబోతు అని అంటున్నారని మండిపడ్డారు.

‘బ్రో’ మూవీపై మాట్లాడితే చంద్రబాబుకు ఏంటని మంత్రి రాంబాబు ప్రశ్నించారు. పవన్‌ కల్యాణ్‌ను అంటే చంద్రబాబుకు కోపం ఎందుకొచ్చిందన్నారు. చంద్రబాబు వ్యవహారం రాముడిని అంటే భీముడికి కోపమొచ్చినట్టుందని ఎద్దేవా చేశారు. తనను గోకినందుకే తాను గోకుతున్నానని చెప్పారు. మధ్యలో చంద్రబాబుకు వచ్చిన సమస్య ఏంటని మంత్రి రాంబాబు ప్రశ్నించారు.

Read More : ఈసారి పవన్ కల్యాణ్ టార్గెట్ ఎవరు?: విశాఖ నుంచి మూడో విడత వారాహి యాత్ర