విషాదం.. ఈతకు వెళ్లి ఇద్దరు బాలురు మృతి

దిశ,వెబ్‌డెస్క్: కృష్ణా జిల్లాలో విషాదం చోటుచేసుకుంది. వివరాల్లోకి వెళితే.. జిల్లాలోని ఏ.సీతారామపురంలోని ఏలూరు కాలువలో ఈతకు వెళ్లి ఇద్దరు బాలురు మృతి చెందారు. కాలువ వద్దకు బట్టలు ఉతికేందుకు వెళుతున్న తల్లితో కలిసి ఆ చిన్నారులు వచ్చారు. ఈ క్రమంలో ఆ ఇద్దరు బాలురు సరదాగా ఈత కొట్టడానికి కాలువలో దిగారు. దీంతో ఆ ఇద్దరు బాలురు నీటిలో కొట్టుకుపోయారు. దీంతో ఆ తల్లి కన్నీరుమున్నీరుగా విలపించారు. మృతి చెందిన చిన్నారులు రెడ్డి అజయ్, కోలా యశ్వంత్ కృష్ణ గా గుర్తించారు. ఈ ఘటనపై వీరవల్లి పోలీసులు కేసు నమోదు చేసుకుని దర్యాప్తు చేపట్టారు.