Vande Bharat Express:: ఏపీకి మరో వందేభారత్ రైలు
దిశ, డైనమిక్ బ్యూరో: ఆంధ్రప్రదేశ్ ప్రజలకు రైల్వే శాఖ మరో తీపికబురు చెప్పింది. రాష్ట్రానికి మరో వందేభారత్ రైలు ఇస్తున్నట్లు ప్రకటించింది. ఈ రైలు విజయవాడ-చెన్నై మధ్యతిరగనుంది. ఈ నెల 7నుంచి వందేభారత్ రైలు రాకపోకలు ప్రారంభంకానున్నాయి. ఇందుకు సంబంధించి ఏర్పాట్లు అధికారులు చేస్తున్నారు.
కాగా ప్రధాని మోడీ దేశవ్యాప్తంగా ఐదు వందేభారత్ రైళ్లను వర్చువల్‌ విధానంలో ప్రారంభించనున్నారు. విజయవాడ-చెన్నై మధ్య నడిచే కొత్త రైలు కూడా ఉంటుందని విజయవాడ డివిజన్‌ రైల్వే అధికారులకు తెలిపారు. అయితే విజయవాడ నుంచి చెన్నై వెళ్లే రైలు జులై 8 నుంచి పూర్తి స్థాయిలో రాకపోకలు ప్రారంభింస్తుందని అధికారులు చెబుతున్నారు. విజయవాడ నుంచి చెన్నై వెళ్లే వందేభారత్ రైలుకు ఏయే స్టేషన్లలో హాల్ట్‌, రాకపోకలు, టిక్కెట్‌ ధరలు, ప్రయాణ సమయం వంటి షెడ్యూల్‌ను త్వరలో ప్రకటించబోతున్నట్లు విజయవాడ డివిజన్‌ రైల్వే అధికారులు ప్రకటించారు.
