Ntr జిల్లా కాకర్లలో పేలిన గ్యాస్ సిలిండర్లు

దిశ వెబ్ డెస్క్: ఎన్టీఆర్ జిల్లా కాకర్లలో సిలిండర్ పేలి ఇల్లు దగ్ధమైంది. జమలమ్మ అనే మహిళ ఇంట్లో మధ్యాహ్నం ఉన్నట్టుండి గ్యాస్ సిలిండర్ పేలింది. దీంతో ఒక్కసారిగా మంటలు చెలరేగాయి. మంటలు ఇల్లు మొత్తం అంటుకున్నాయి. ఈ ఘటనలో ఇంట్లో ఉన్న విలువైన సామగ్రి అగ్నికి ఆహుతైంది. పార్క్ చేసిన స్కూటీ కూడా దహనమైంది. కుటుంబ సభ్యులు ఇంట్లో లేకపోవడంతో ముప్పు తప్పింది. ఈ ఘటనతో స్థానికంగా భయాందోళనలు నెలకొన్నాయి. విషయం తెలుసుకున్న అగ్నిమాపక సిబ్బంది సంఘటనా స్థలానికి చేరుకుని మంటలను అదుపు చేశారు. కేసు నమోదు చేసి దర్యాప్తు చేస్తున్నారు.