KCR ఎక్కడైనా పోటీ చేయొచ్చు.BRSపై కొడాలి నాని కీలక వ్యాఖ్యలు
దిశ, వెబ్‌డెస్క్: ఆంధ్రప్రదేశ్‌లో బీఆర్ఎస్ విస్తరణపై వైసీపీ మాజీ మంత్రి కొడాలి నాని కీలక వ్యాఖ్యలు చేశారు. జాతీయ రాజకీయాల్లోకి వెళ్తున్న కేసీఆర్ నేతృత్వంలోని బీఆర్ఎస్ పార్టీ ఏపీలో మాత్రం ప్రభావం చూపించదని అన్నారు. తెలంగాణ సీఎం కేసీఆర్ ఎక్కడైనా పోటీ చేయొచ్చని.. కానీ అంశాల వారిగానే జాతీయ పార్టీలకు వైసీపీ మద్దతు ఇస్తోందని తెలిపారు. రాబోయే ఎన్నికల్లో ఏ పార్టీతోను వైసీపీ పొత్తు ఉండదని కొడాలి నాని స్పష్టం చేశారు.
ఇదిలా ఉండగా.. సీఎం కేసీఆర్ ఏపీలో బీఆర్ఎస్ విస్తరణపై దృష్టి సారించారు. ఏపీలోని అసంతృప్త నేతలకు గాలం వేస్తూ.. బీఆర్ఎస్‌లో చేరికల పర్వం మొదలు పెట్టారు. ఇందులో భాగంగా మాజీ మంత్రి రావెల కిశోర్, మాజీ ఐఏఎస్ తోట చంద్రశేఖర్, పార్థసారధి బీఆర్ఎస్ పార్టీలో చేరనున్నారు. వీరికి బీఆర్ఎస్ పార్టీ అధినేత, సీఎం కేసీఆర్ కండువా కప్పి పార్టీలోకి ఆహ్వానించనున్నారు.
Also Read...
- Tags
- kodali nani
- BRS
