Tirumala: పవన్ కల్యాణ్ గెలవాలంటూ పొర్లుదండాలు
దిశ, వెబ్ డెస్క్: ఏపీలో మే 13న ఎన్నికలు జరిగాయి. జూన్ 4న ఫలితాలు విడుదలకాబోతున్నాయి. ఎన్నికల కౌంటింగ్‌కు సంబంధించి ఎన్నికల సంఘం అన్ని ఏర్పాట్లు చేస్తోంది. పటిష్ట భద్రత మధ్య ఓట్ల లెక్కింపునకు అటు సిబ్బంది సైతం రెడీ అవుతున్నారు. ఇదిలా ఉంటే జనసేన అధినేత పవన్ కల్యాణ్ గెలుపు కోసం ఓ అభిమాని తిరుమలలో పొర్లు దండాలు పెట్టారు. భారీ మెజార్టీతో ఆయన గెలవాలంటూ వెంకన్నను మొక్కుకున్నారు.
ఈ ఎన్నికల్లలో పిఠాపురం నుంచి పవన్ కల్యాణ్ పోటీ చేసిన విసయం తెలిసిందే. మరో మూడు రోజుల్లో ఫలితాలు విడుదల కానుంది. దీంతో చంద్రగిరి మండలం రామచంద్రాపురం మండలం బలిజపల్లి చెందిన ఈశ్వర్.. మెగాస్టార్ చిరంజీవికి బిగ్ ఫ్యాన్. మెగా ఫ్యామిలీ బాగుండాలని కోరుకుంటూ గతంలో చాలా సార్లు తిరుమలలో ఇలాగే పొర్లుదండాలు పెట్టి స్వామివారిని దర్శించుకున్నారు. సైకిల్ యాత్ర సైతం చేశారు. తాజాగా పవన్ కల్యాణ్ గెలవాలంటూ కోసం ఈశ్వర్ పొర్లుదండాలు పెడుతూ శ్రీవారి మొట్టు మార్గం నుంచి తిరుమలకు చేరుకున్నారు. ఇవాళ హనుమాన్ జయంతి కావడంతో జాపాలి తీర్థంలోని ఆంజనేయస్వామిని దర్శించుకుని ఏపీలో కూటమి విజయం సాధించాలని కోరుకున్నారు.
