బ్రేకింగ్: చంద్రబాబు గదిలో ఏసీ ఏర్పాటుకు కోర్టు గ్రీన్ సిగ్నల్

దిశ, వెబ్‌డెస్క్: స్కిల్ డెవలప్మెంట్ కేసులో అరెస్ట్ అయ్యి రాజమండ్రి సెంట్రల్ జైలులో ఉన్న టీడీపీ అధినేత చంద్రబాబుకు కోర్టు కాస్త ఊరట కలిగించింది. ఎండ తీవ్రత కారణంగా డీహైడ్రేషన్‌కు గురైన చంద్రబాబుకు గదిలో ఏసీ ఏర్పాటుకు కోర్టు అనుమతి ఇచ్చింది. జైల్లో చంద్రబాబు ఉన్న గదిలో ఏసీ ఏర్పాటు చేయాలని కోర్టు అధికారులకు ఆదేశాలు జారీ చేసింది.

కాగా, జైల్లో చంద్రబాబు తీవ్ర అస్వస్థతకు గురయ్యారని.. ఎండల కారణంగా డీహైడ్రేషన్‌కు గురవ్వడంతో పాటు స్కీన్ ఎలర్జీ వంటి సమస్యలతో బాధపడుతున్నారని.. ఆయనకు మెరుగైన వైద్యం అందించాలని చంద్రబాబు తరుఫు లాయర్లు ఇవాళ ఏసీబీ కోర్టులో హౌస్ మోషన్ పిటిషన్ దాఖలు చేశారు. చంద్రబాబు ఎండల వేడీ తీవ్రతను తట్టుకోలేకపోతున్నారని.. ఆయన గదిలో ఏసీ ఏర్పాటుకు అనుమతి ఇవ్వాలని పిటిషన్‌లో పేర్కొన్నారు. ఈ పిటిషన్‌ను విచారణకు స్వీకరించిన న్యాయస్థానం.. జైల్లో చంద్రబాబు గదిలో ఏసీ ఏర్పాటుకు అనుమతి ఇచ్చింది.