Cm Jagan: బీసీలపై ఫోకస్.. రేపు కీలక భేటీ
దిశ వెబ్ డెస్క్: ఏపీ సీఎం జగన్ మోహన్ రెడ్డి బీసీలపై ఫోకస్ పెట్టారు. మరో ఏడాదిన్నరలో ఎన్నికలు వస్తుండటంతో బీసీలను ఆకట్టుకునే ప్రయత్నం చేస్తున్నారు. బీసీల్లో ఎంతమందికి పథకాలు అందుతున్నాయి.. ఇంకా ఎంతమందికి ఇవ్వాలని అనే అంశాలపై జగన్ దృష్టి సారించారు. ఈ మేరకు తాడేపల్లి సీఎం క్యాంప్ కార్యాలయంలో శనివారం బీసీ ముఖ్య నేతలతో భేటీ కానున్నారు. మంత్రులు బొత్స సత్యనారాయణ, జయరాం, జోగి రమేశ్, వేణుగోపాల్, ముత్యాలనాయుడు, ఎంపీ మోపిదేవి, ఎమ్మెల్యేలు అనిల్, పార్థసారథి, ఎమ్మెల్సీ జంగా కృష్ణమూర్తికి ఇప్పటికే సీఎం కార్యాలయం నుంచి సమాచారం అందించారు. శనివారం జరిగే సమావేశానికి హాజరుకావాలని సూచించారు. రేపు ఉదయం 11 గంటలకు ఈ భేటీ జరగనుంది. వైసీపీ ప్రభుత్వంపై బీసీలు ఏమనుకుంటున్నారనే అంశాలను సీఎం జగన్‌కు మంత్రులు వివరించనున్నారు.
Nellore: అయ్యప్ప దీక్షలో ముస్లిం సంప్రదాయం.. ఎమ్మెల్యే అనిల్ ఇంటి వద్ద తీవ్ర ఉద్రిక్తత
