TDP లో విషాదం.. మాజీ మంత్రి సత్యనారాయణ కన్నుమూత

దిశ, వెబ్‌డెస్క్: ఆంధ్రప్రదేశ్ రాష్ట్ర టీడీపీ(TDP) పార్టీలో విషాద ఛాయలు అలుముకున్నాయి. ఆ పార్టీ సీనియర్ నేత, మాజీమంత్రి రెడ్డి సత్యనారాయణ(Former minister Reddy Satyanarayana) కన్నుమూశారు. 99 ఏళ్ల అతను వృద్ధాప్య కారణాలతో మంగళవారం తెల్లవారుజామున అనకాపల్లి జిల్లా చీడికాడ మండలోని తన స్వగ్రామం అయిన పెదగోగాడలో ఆయన తుదిశ్వాస విడిచారు. ఆయన 1983 నుంచి 1985, 1989, 1994, 1999 వరుసగా ఐదు సార్లు ఎన్నికల్లో ఎమ్మెల్యేగా గెలిచారు. ఆయన ఎన్టీఆర్‌(NTR) హయాంలో పశుసంవర్ధక శాఖ మంత్రిగా బాధ్యతలు నిర్వర్తించారు. అలాగే టీటీడీ(TTD) బోర్డు మెంబర్‌గా సేవలు అందించారు. రెడ్డి సత్యనారాయణ(Reddy Satyanarayana) ఐదు సార్లు ఎమ్మెల్యేగా గెలిచి, మంత్రి పదవి అనుభవించినప్పటికి చాలా నిరాడంబరంగా ఉండేవారు. ఆయన నిత్యం ఆర్టీసీ బస్సుల్లోను ప్రణించివారు. కాగా ఈ రోజు ఉదయం ఆయన మృతి చెందారనే వార్తను టీడీపీ శ్రేణులను షాక్ కు గురిచేయగా.. ప్రముఖులు రెడ్డి సత్యనారాయణ మృతి పట్ల దిగ్భ్రాంతి వ్యక్తం చేస్తున్నారు.