AP News: రెండు రోజుల క్రితం వేటకు వెళ్లి గల్లంతైన మత్స్యకారులు.. నేడు..?

దిశ ప్రతినిధి, విశాఖపట్నం: విశాఖ హార్బర్ నుంచి రెండు రోజుల క్రితం వేటకు వెళ్లిన మత్స్యకారులు గల్లంతైయ్యారు. కాగా అదృష్టవశాత్తు గల్లంతైన మత్స్యకారులు క్షేమంగా బయటపడ్డారు. ఈ రోజు (బుధవారం) తెల్లవారుజామున క్షేమం గా ఒడ్డు కు చేరారు. దీనితో బాధిత మత్స్యకారుల కుటుంబాలు ఊపిరి పీల్చుకున్నాయి. కాగా రెండు రోజుల క్రితం విశాఖ హార్బర్ నుంచి మత్స్యకారులు వేటకు వెళ్లారు.

ఈ నేపథ్యంలో అనుకోకుండా అలల ఉదృతికి సముద్రంలో బోటు బోల్తా పడి దెబ్బతిన్నది. ఈ క్రమంలో ఆరుగురు మత్స్యకారులు బోటు పై భాగంలో ఉండిపోయారు. బిక్కు బిక్కుమంటూ సముద్రంలోనే నిన్న రాత్రి వరకు గడిపిన ఆరుగురు మత్స్యకారులు ఎట్టకేలకు ఈ రోజు తెల్లవారు జామున అప్పికొండ ప్రాంతం వద్ద మూడు గంటల ప్రాంతంలో ఒడ్డు కు చేరారు. అనంతరం అధికారులకు సమాచారం అందించారు.