Breaking: విశాఖ స్టీల్ ప్లాంట్‌లో అగ్ని ప్రమాదం

దిశ, వెబ్ డెస్క్: విశాఖ స్టీల్ ప్లాంట్‌లో అగ్ని ప్రమాదం చోటు చేసుకుంది. ప్లాంట్ బీఎఫ్-3లో మంటలు చెలరేగాయి. దీంతో కార్మికులు భయాందోళనకు గురయ్యారు. ప్లాంట్ నుంచి బయటకు పరుగులు తీశారు. వెంటనే ఫైర్ సిబ్బందికి సమాచారం అందజేశారు. విషయం తెలుసుకున్న ఫైర్ సిబ్బంది హుటాహుటిన స్టీల్ ప్లాంట్ వద్దకు చేరుకుని మంటలార్పారు. అయితే ఈ ప్రమాదం ఎలా జరిగిందనే వివరాలు ఇంకా తెలియాల్సి ఉంది. మరోవైపు అగ్నిప్రమాదం జరిగిన విషయం బయటకు తెలియడంతో స్టీల్ ప్లాంట్ వద్దకు కార్మికుల కుటుంబ సభ్యులు భారీగా చేరుకున్నారు. ప్రమాదంపై ఆందోళన వ్యక్తం చేశారు. అయితే ప్లాంట్‌లో జరిగింది స్వల్ప ఘటనేనని, ఎలాంటి ప్రమాదం జరగలేదని ప్లాంట్ సిబ్బంది తెలపడంతో ఊపిరి పీల్చుకున్నారు.