Pawan Kalyan:విజయవాడ పుస్తక మహోత్సవం ప్రారంభించనున్న డిప్యూటీ సీఎం పవన్
దిశ,వెబ్‌డెస్క్: విజయవాడలో నేటి నుంచి పుస్తక మహోత్సవం(Book Festival) ప్రారంభం కాబోతుంది. విజయవాడ పుస్తక మహోత్సవ సంఘం ఆధ్వర్యంలో ఈ రోజు నుంచి 11 రోజుల పాటు పుస్తక ప్రదర్శన కొనసాగనుంది. ఇక విజయవాడలో మూడున్నర దశాబ్దాలుగా ప్రతి ఏడాది పుస్తక మహోత్సవం నిర్వహిస్తున్న సంగతి తెలిసిందే. ఈ ఏడాది విజయవాడ(Vijayawada) బుక్ ఎగ్జిబిషన్‌కు ఇందిరాగాంధీ మున్సిపల్ స్టేడియం(Indira Gandhi Municipal Stadium) సర్వం సిద్ధమైంది. 35వ పుస్తక మహోత్సవాన్ని ఏపీ డిప్యూటీ సీఎం పవన్ కళ్యాణ్(Deputy CM Pawan Kalyan) ప్రారంభించనున్నారు.
ఈ రోజు(గురువారం) సాయంత్రం 6 గంటలకు పుస్తక మహోత్సవాన్ని పవన్ కళ్యాణ్ ప్రారంభిస్తారు. మంత్రి పయ్యావుల కేశవ్, సాహిత్య అకాడమీ కార్యదర్శి కె.శ్రీనివాసరావు తదితర ప్రముఖులు తొలిరోజు ఎగ్జిబిషన్‌కు హాజరుకానున్నారు. ఈ నెల 2 నుంచి 12 వరకు ప్రతిరోజూ మధ్యాహ్నం 2 గంటల నుంచి రాత్రి 9 గంటల వరకు విజయవాడ బుక్ ఎగ్జిబిషన్(Vijayawada Book Exhibition) కొనసాగుతోందని VBFS కార్యదర్శి మనోహర్ నాయుడు బుధవారం ఓ ప్రకటనలో తెలిపారు. ఇక పుస్తక మహోత్సవ ప్రాంగణానికి పిడికిటి రామ కోటేశ్వర రావు, ప్రధాన సాహిత్య వేదికకు రామోజీ గ్రూపు సంస్థల వ్యవస్థాపకులు రామోజీరావు, విద్యార్థుల కార్యక్రమాలు నిర్వహించే ప్రతిభా వేదికకు రతన్ టాటా పేర్లు పెట్టినట్లు వీబీఎఫ్‌ఎస్ అధ్యక్షుడు కె.లక్ష్మయ్య పేర్కొన్నారు.
