CM Chandrababu:బైక్ దొరకడంతో మహిళ కన్నీరు.. స్పందించిన సీఎం చంద్రబాబు
దిశ, డైనమిక్ బ్యూరో: ఓ మహిళ తాను పోగొట్టుకున్న టూవీలర్‌ను పోలీసులు రికవరీ చేశారు. దీంతో ఆమె ఉద్వేగానికి లోనైంది. ఆ వీడియోను సీఎం చంద్రబాబు తన ఎక్స్ ఖాతాలో పోస్ట్ చేశారు. ఏలూరు ప్రాంతంలో నీలి అలివేణి అనే మహిళ తలసేమియాతో బాధపడుతున్న తన కూతుర్ని ఆసుపత్రికి తీసుకువెళ్లింది. అక్కడ బైకు నిరూపించగా దొంగలు దాన్ని ఎత్తుకెళ్లారు. దీంతో ఆమె ఆవేదనతో పోలీసులను ఆశ్రయించింది. బైకుల దొంగలను పట్టుకుని రికవరీ చేయగా అందులో ఆమె వాహనం కూడా లభ్యమైంది.
ఆ మహిళను పిలిపించి ఆమె బైక్ ను అందజేయగా.. ఆ సమయంలో ఆమె తీవ్ర ఉద్వేగానికి లోనైంది. తన కుమార్తెను ఆసుపత్రికి ఈ బైక్ పైనే తీసుకువెళ్తానని ఆమె తెలిపింది. ఈ వీడియోను ఏలూరు పోలీసులు పోస్ట్ చేయగా.. సీఎం చంద్రబాబు నాయుడు తన ఎక్స్ ఖాతాలో దాన్ని ఉంచారు. ఆయన ఈ ఘటనపై స్పందించారు. బైక్ చూసుకొని ఆమె పడిన ఆనందాన్ని అందులో ఉదహరించారు. అదే సమయంలో 251 బైకులను రికవరీ చేసిన పోలీసులను అభినందనలు తెలిపారు. దొంగలను పట్టుకోవడంలో నూతన టెక్నాలజీని ఉపయోగిస్తున్న పోలీసులకు తన అభినందనలు తెలియజేశారు.
