పవన్ కల్యాణ్ అలాంటి పనులు చేయరు.. సీఎం చంద్రబాబు ఆసక్తికర వ్యాఖ్యలు
దిశ, వెబ్ డెస్క్: ఏపీ డిప్యూటీ సీఎం పవన్ కల్యాణ్‌పై సీఎం చంద్రబాబు ఆసక్తికర వ్యాఖ్యలు చేశారు. ఈ ఏడాది మొక్కల నాటే కార్యక్రమంపై ఆయన మాట్లాడుతూ డిప్యూటీ సీఎం పవన్ కల్యాణ్ దగ్గర ఉన్న ఫారెస్ట్, నరేగాశాఖల్లో డబ్బులకు కొదవ లేదని తెలిపారు. అనుకున్న సమయంలోనే లక్ష్యాలను పవన్ సాధిస్తారని చెప్పారు. అమరావతి రాజధానిలో 51శాతం గ్రీన్ కవర్ ఉందని, గత ప్రభుత్వం ఎర్రచందనం స్మగ్లర్లను ప్రోత్సహించిందని మండిపడ్డారు. అంతేకాకుండా ఎన్నికల్లో స్మగ్లర్లకు టికెట్‌ ఇచ్చిందని విమర్శించారు. రుషికొండ కొట్టేసి రూ.500 కోట్లతో వైసీపీ నాయకులు ప్యాలెస్‌ కట్టారని గుర్తు చేశారు. కానీ పవన్ కల్యాణ్ అలాంటి పనులు చేయరని, ఎవరైనా కొండలు ఆక్రమిస్తే తాట తీస్తారని చెప్పారు. పిల్లల భవిష్యత్తే ధ్యేయంగా పని చేస్తు్న్నామని, ఈ సంవత్సరం కోటి మొక్కలను నాటుబోతున్నామని చంద్రబాబు పేర్కొన్నారు.
