CM Chandhrababu:వైఎస్ జగన్‌ను అతనితో పోల్చిన సీఎం చంద్రబాబు..?
దిశ,వెబ్‌డెస్క్: ఏపీలో అసెంబ్లీ సమావేశాలు కొనసాగుతున్నాయి. ఈ క్రమంలో నేడు(గురువారం) అసెంబ్లీలో సీఎం చంద్రబాబు శాంతి భద్రతలపై శ్వేతపత్రం విడుదల చేశారు. ఈ క్రమంలో సీఎం చంద్రబాబు గత వైసీపీ ప్రభుత్వంలో జరిగిన అక్రమాలపై మాట్లాడుతూ నిప్పులు చెరిగారు. గత వైసీపీ హయాంలో శాంతి భద్రతలు లోపించాయని విమర్శించారు. గత ఐదేళ్లలో దాడులు, అక్రమాలు ఎక్కువగా జరిగాయని ఆరోపించారు. ఈ నేపథ్యంలో సీఎం చంద్రబాబు వైసీపీ అధినేత, మాజీ సీఎం జగన్‌ను కొలంబియాకు చెందిన పాబ్లో ఎస్కోబార్ గవేరియాతో పోల్చారు. పాబ్లో అనే వ్యక్తి మత్తు పదార్థాల అక్రమ వ్యాపారి అని, నార్కో తీవ్రవాది అని తెలిపారు. అలాంటి వ్యక్తి రాజకీయాల్లోకి వచ్చి డ్రగ్స్ సరఫరాను లీగల్ చేసి, కొన్ని వేల కోట్లు సంపాదించారని చెప్పారు. వైఎస్ జగన్ కూడా అలాగే లక్షల కోట్లు సంపాదించాలని అనుకున్నారని సీఎం చంద్రబాబు పేర్కొన్నారు.
Also Read: శాంతి భద్రతలపై పవన్ కీలక విజ్ఞప్తి.. సానుకూలంగా స్పందించిన చంద్రబాబు
