CM Chnadrababu:సోదరుడి పెద్దకర్మకు హాజరైన సీఎం చంద్రబాబు

దిశ,వెబ్‌డెస్క్: ఏపీ సీఎం చంద్రబాబు(CM Chnadrababu) సోదరుడు రామ్మూర్తి నాయుడు(Rammurthy Naidu) అనారోగ్యంతో ఈ నెల 16వ తేదీన హైదరాబాద్‌(Hyderabad)లోని ఏఐజీ ఆసుపత్రిలో కన్నుమూసిన విషయం తెలిసిందే. అయితే నేడు సీఎం చంద్రబాబు తన సోదరుడు రామ్మూర్తి నాయుడి పెద్దకర్మకు హాజరయ్యారు. బుధవారం రాత్రే నారావారిపల్లె గ్రామానికి చేరుకున్న సీఎం చంద్రబాబు ఈ రోజు(గురువారం) ఉదయం సోదరుని కర్మక్రియల్లో పాల్గొన్నారు. సీఎం చంద్రబాబుతో పాటు ఆయన సతీమణి నారా భువనేశ్వరి, కుమారుడు నారా లోకేష్(Nara Lokesh) కూడా కార్యక్రమంలో పాల్గొన్నారు. నారావారిపల్లెలో రామ్మూర్తి నాయుడు కుమారుడు నారా రోహిత్(Nara Rohit) కర్మకాండ నిర్వహించారు. ఈ కార్యక్రమానికి చంద్రబాబు కుటుంబ సభ్యులు, పలువురు మంత్రులు, ఎమ్మెల్యేలు హాజరయ్యారు.