Breaking: టీడీపీ కార్యకర్తలపై కత్తులతో దాడులు.. ఉద్రిక్తత

దిశ, వెబ్ డెస్క్: ఎన్నికల రిజల్ట్స్ ముందు చిత్తూరు జిల్లా కుప్పం నియోజకవర్గంలో వైసీపీ నేత కృష్ణమూర్తి రెచ్చిపోయారు. అనుచరులతో కలిసి నంజంపేట గ్రామంలో బీభత్సం సృష్టించారు. టీడీపీ కార్యకర్తలపై కత్తులతో విరుచుకుపడ్డారు. కత్తులు, కర్రలతో గ్రామంలో తిరుగుతూ టీడీపీ కార్యకర్తలు ఉమాశంకర్, నాగభూషణం, గిరిప్రసాద్‌పై దాడులు చేశారు. ఈ దాడుల్లో ముగ్గురికి తీవ్ర గాయాలయ్యాయి. దీంతో వారికి చికిత్స అందిస్తున్నారు. అయితే బాధితుల కుటుంబ సభ్యులు, టీడీపీ శ్రేణులు స్థానిక పోలీస్ స్టేషన్ ఎదుట ఆందోళనకు దిగారు. తమ వాళ్లపై దాడి చేసిన నిందితులను అరెస్ట్ చేయాలని డిమాండ్ చేస్తున్నారు.