Tirumala: లడ్డూ కౌంటర్లను స్పాన్సర్ చేసిన ఎస్‌బీఐ

దిశ, తిరుమల: తిరుమల శ్రీవారి ఆలయంలో లడ్డూ కౌంటర్లను స్టేట్ బ్యాంక్ ఆఫ్ ఇండియా(ఎస్‌బిఐ) స్పాన్సర్ చేసింది. ఈ మేరకు స్టేట్ బ్యాంక్ ఆఫ్ ఇండియా పేరుతో తిరుమల లడ్డూ కాంప్లెక్స్‌లోని ఐదు లడ్డూ కౌంటర్ల కార్యకలాపాలను స్పాన్సర్ చేసి అందుబాటులోకి తెచ్చారు. లడ్డూ కాంప్లెక్స్‌లో టీటీడీ ఈవో ఏవీ ధర్మారెడ్డి, ఎస్‌బీఐ ఎండీ శ్రీనివాసశెట్టి ప్రత్యేక పూజలు నిర్వహించారు. అనంతరం ఈవో చేతుల మీదుగా కొత్త కౌంటర్లను ప్రారంభించారు. ఈ కార్యక్రమంలో శ్రీవారి ఆలయ డిప్యూటీ ఈవో లోకనాథం, పోటు పేష్కార్ శ్రీనివాసులు, బ్యాంకు అధికారులు పాల్గొన్నారు.