తొలిసారి జనసేనకు చిరంజీవి డైరెక్ట్ సపోర్ట్.. ఎన్నికల వేళ మెగా ఫ్యాన్స్ ఫుల్ ఖుషీ (వీడియో)

దిశ, వెబ్‌డెస్క్: ఏపీ అసెంబ్లీ ఎన్నికల వేళ జనసేన పార్టీ చీఫ్ పవన్ కల్యాణ్‌కు చిరంజీవి మద్దతుగా నిలిచారు. తొలిసారిగా జనసేన పార్టీకి డైరెక్ట్ సపోర్ట్ చేశారు. ఓ సినిమా షూటింగ్‌లో ఉన్న చిరంజీవిని పవన్ కల్యాణ్, నాగబాబులు ప్రత్యేకంగా కలిశారు. ముగ్గురు అన్నదమ్ములు కలిసి కీలక విషయాలపై కాసేపు చర్చించారు. అనంతరం పవన్ కల్యాణ్ అన్నయ్య చిరంజీవి కాళ్లకు మొక్కి ఆశీర్వాదాలు తీసుకున్నారు. ఈ సందర్భంగా జనసేన పార్టీకి మెగాస్టార్ చిరంజీవి రూ.5 కోట్ల భారీ విరాళాన్ని చెక్కు రూపంలో పవన్ కల్యాణ్‌తకు అందించారు. ప్రస్తుతం చిరంజీవి పవన్ కల్యాణ్‌కు సంబంధించిన ఈ తాజా వీడియో సోషల్ మీడియాలో వైరల్ అవుతోంది. అయితే గతంలో చిరంజీవి సైతం ప్రజారాజ్యం పార్టీని స్థాపించి అనంతరం కాంగ్రెస్‌లో విలీనం చేసిన విషయం తెలిసిందే.